Tren-makinak

Osagarrien estandarizazioak aukera ematen du bezero bakoitzaren behar espezifikoetara egokitzeko. Modularitateari esker, tren-makinen gama zabala eskaintzen du, hainbat ezaugarrirekin, parametro hauen arabera:

Kabinen kopurua, elikadura mota (elektrikoa, diesela-elektrikoa eta bi-modoa), zerbitzu mota (bidaiariak eta merkantziak), trenbidearen zabalera, elikadura-tentsioa (1,5kV cc, 3kV cc, 15kV ca eta 25kV ca), ardatzen kokapena (2 eta 3 ardatzeko bogieak) eta muturreko klimatologietara egokitzeko gaitasuna.

Bitracek seinaleztapen-sistema konplexuagoak ditu eguneroko operazioetan segurtasun maila ahalik eta handiena bermatzeko, esaterako, 1, 2 eta 3. mailako ERTMS. Halaber, plataforma existitzen diren seinaleztapen-sistema nazional guztiak integratzeko dago diseinatuta.

Diseinua ahalik eta efizientzia handiena eskaintzeko diseinatu da. Trakzio-ekipoek aukera ematen dute energiaren galerak gutxitzeko eta kontsumoa optimizatzeko.

Bitrac tren-makina espezifikoki diseinatuta dago balazta birsortzaileak lehentasuna izan dezan erreostato-balaztaren eta marruskadurakoaren aurrean. Hala, gelditzeko orduan berreskuratzen den energia katenariara itzultzen da, beste tren batek erabil dezan edo sare elektriko orokorrera itzul dadin.

Bitracen diseinuak eta trakzio-sistema hibridoek aukera ematen diete unitateei energia elektrikoarekin zein bateriekin jarduteko. Horri esker, isurpen kutsagarriak desagertzen dira eta martxan dagoen bitartean zarata nabarmen murrizten da.

Bitrac plataforma bizi-zikloaren kostuak minimizatzeko helburuarekin garatu da.

Diseinu aerodinamiko optimizatuaren, errendimendu handiko trakzio-ekipamenduaren, pisu murriztuaren, gidatze eraginkorraren estrategiaren definizioaren eta balazta birsortzailearen bidez, energia ahalik eta gehien murriztu da.