Legezko abisua

1.1.    WEBGUNEAREN Legezko Abisu eta Erabiltzeko Baldintza hauen bitartez, CONSTRUCCIONES Y AUXILIAR DE FERROCARRILES SAk (aurrerantzean, “CAF”), egoitza soziala Beasaingo Jose Miguel Iturrioz kaleko 26. zenbakian duenak, www.cafmobility.com URL helbidea (aurrerantzean, “Webgunea”) duen webguneko erabiltzaileei erabiltzeko baldintzen berri ematen die.

1.2.    Horri dagokionez, “Erabiltzailea” izango da webgunera sartu, erabili, informazioa eskatu, izena eman edo webgunean garatutako edozein zerbitzu edo jardueratan parte hartzen duena.

2.1.    2002ko uztailaren 11ko Informazioaren gizarteko zerbitzuei eta Merkataritza elektronikoari buruzko 34/2002 Legearen 10. artikuluan xedatutakoari jarraiki, CAF enpresak, webgunetik jarduten duen informazioaren gizarteko zerbitzuen hornitzaile den aldetik, interesatutako pertsona eta erakundeen esku jartzen ditu informazio orokorreko datu hauek:

• Izen soziala: CONSTRUCCIONES Y AUXILIAR DE FERROCARRILES, SA
• Helbide soziala: Jose Migel Iturrioz kalea, 26. 20200 Beasain (Gipuzkoa)
• Helbide elektronikoa: caf@caf.net  
• Identifikazio Fiskaleko Zenbakia (IFZ): A–20001020
• Gipuzkoako Merkataritza Erregistroan inskribatua: 983 liburukia, 144 orria, SS-329 orrialde-zenbakia, 239 inskripzioa

3.1.    Webgunearen edukietara sartzea eta zerbitzuak erabiltzea doakoa da.

3.2.    Erabiltzaileak konpromisoa hartzen du webguneko edukiak eta zerbitzuak ondo erabiltzeko. Ezingo dira inolaz ere erabili legez kanpoko jarduerak edo ordena publikoaren, defentsa nazionalaren edo osasun publikoaren aurkakoak egiteko.

3.3.    Erabiltzaileak baimena du webguneko informazio guztia ikusteko, baita horien erreprodukzio pribatuak egiteko ere sistema informatikoetan, betiere eduki horiek berak soilik erabiliko baditu eta ez badizkio ondoren hirugarrengoei emango.

3.4.    Webgunera sartzeko eta bertan nabigatzeko ez da erregistratu behar, baina baliteke funtzio edo zerbitzu jakin batzuetara sartzeko aldez aurretik altan eman behar izatea webgunean, eta, horretarako, erabiltzaileak identifikatzailea eta pasahitza aukeratu beharko ditu.

Kasu honetan, pasahitza pertsonala eta besterenezina izango da eta erabiltzaileak sortu beharko du une bakoitzean CAFen ezartzen diren sendotasun- eta konplexutasun-arauen arabera.

Erabiltzaileak aukeratzen duen pasahitzak ez baditu betetzen CAFek onartzen duen eta indarrean dagoen Pasahitzen Politikaren gutxieneko baldintzak, ez betetze horren berri eta pasahitzak izan behar dituen baldintzen berri emango zaio erabiltzaileari, CAFen erabiltzaileen erregistroan behar bezala emateko altan.

Hala ere, webguneak beharrezko funtzioak izango ditu erabiltzaileak pasahitza aldatu ahal izateko egoki deritzonean, esaterako, pasahitzaren konfidentzialtasuna apurtu dela susmatzen duenean edo egiaztatzen duenean.

3.5.    Erabiltzaileak konpromisoa hartzen du bere pasahitzaren erabilera adimenduna egiteko eta isilpean mantentzeko, eta hirugarrengoei eta CAFi ez helarazteko. Ondorioz, Erabiltzaileak arduratuko dira CAFen erregistratzeko aukeratutako identifikatzaileak eta/edo pasahitzak ondo zaintzeaz eta konfidentzialtasuna mantentzeaz, eta behin-behinean edo behin betiko hirugarrengoei ez uzteko eta kanpoko pertsonei sartzen ez uzteko konpromisoa hartzen dute. Erabiltzailearen erantzukizuna izango da legez kanpoko hirugarren batek webgunearen legez kanpoko erabilera egitea, horretarako erabilera ez arduratsuaren ondorioz lortutako pasahitza edo erabiltzaileak galdutako pasahitza erabiltzen badu.

Aurreko hori dela eta, erabiltzailearen betebeharra da webgunearen kudeatzaileei berehala jakinaraztea identifikatzaileak eta/edo pasahitzak behar ez bezala erabili ahal izatea ahalbidetzen duen edozein jazoera, hala nola lapurreta, ebasketa edo baimenik gabe sartzea. Hala, berehala ezeztatuko dira. Jazoera horiek jakinarazten ez badira, CAFek ez du baimenik ez duten hirugarrengoek egindako identifikatzaileen edo pasahitzen erabilera okerraren gaineko erantzukizunik izango.

4.1.    Webgunea jabetza intelektualari eta industrialari buruzko Espainiako legeen eta legedi nazional eta internazionalaren mende dago.

4.2.    Webguneko eduki guztiak –testuak, grafikoak eta irudiak (izaera mugatzailerik gabe)–, horien diseinua eta eduki horiei dagozkien jabetza intelektualeko eskubideak eta marka, izen komertziala edo beste edozein zeinu bereizgarri CAF enpresaren edo jabe legitimoen jabetzakoak izango dira (CAF enpresak dagozkion akordioak lortu ditu horiekin eskubideak lagatzeko/lizentziatzeko) eta horien gaineko eskubide guztiak erreserbatuta geratuko dira.

4.3.    CAFek ez du edozein motatako erabilera-lizentzia edo -baimenik ematen bere jabetza intelektualeko eta/edo industrialeko eskubideen gainean edo webgunearekin, zerbitzuekin edo edukiekin lotutako beste edozein jabetza edo eskubideren gainean.

4.4.    Debekatuta dago edukiak, guztiz edo partzialki, erreproduzitzea, edozein modutan edo baliabiderekin –mekanikoa, elektronikoa, erreprografikoa edo beste– eta zabaltzeko, publikoki jakinarazteko edo banatzeko ekintza oro garatzea, CAF enpresaren edo dagozkion eskubideen jabe legitimoen idatzizko aldez aurreko baimenik gabe. Halaber, ez dago baimenduta webgunean dauden edukien eskubideen titularrak identifikatzen dituzten copyrightaren edo bestelako kredituen adierazleak ezabatzea edo manipulatzea, ezta webgunean eskuragarri dauden babes teknikorako gailuak, aztarna digitalak, babeserako mekanismoak edo informazioa ere.

4.5.    Webgunea eta bertan argitaratutako edukiak modu ez esklusiboan erabil daitezke, soilik erabilera pribaturako, eta, kasu bakoitzean, eduki bakoitzaren erabilera-baldintzen arabera.

4.6.    Aipatutako edozein eskubide ez betetzeak xedapen hauek urratzea ekar dezake, eta Zigor Kodeko 270. Artikuluan eta hurrengoetan tipifikatutako delitu-ekintza izan daiteke.

4.7.    Erabiltzaileek informazioa ematen badiote CAFi horretarako ahalbidetutako edozein kanalen bitartez, erabiltzaileek adierazi, bermatu eta onartzen dute libreki egiteko eskubidea dutela, informazio horrek ez duela inolako jabetza intelektual edo industrialen eskubiderik, isilpeko komertzialen eskubiderik edo hirugarrengoen beste edozein eskubiderik urratzen, eta informazio hori ez dela konfidentziala edo kaltegarria hirugarrengoentzat. Erabiltzaileek euren gain hartzen dute erantzukizuna eta CAF salbuetsi egiten dute pertsonalki edo bere izenean egindako edozein komunikaziotik.

4.8.    Erabiltzaileek uste badute webguneko edukien jabetza intelektualaren eta/edo industrialaren gaineko eskubideak urratu direla, CAFi jakinarazi diezaiokete Legezko Abisu eta Erabilera Baldintza honetako lehen atalean adierazitako kontaktuan.

5.1.    Erabiltzaileak konpromisoa hartzen du webguneak emandako zerbitzuak legearen arabera eta Legezko Abisu eta Webgunea Erabiltzeko Baldintza honetan adierazitakoaren arabera erabiltzeko. Erabiltzaileak betebeharra du zerbitzuak legez kanpoko helburuekin edo efektuekin edo Erabilera Baldintzetan ezarritakoen aurkakoekin ez erabiltzeko.

5.2.    Erabiltzailea ados dago eta presente du formularioen bidez informazioa bidaltzeko zerbitzuetan, zein erabiltzaileen iritziak argitaratu ahal izateko zerbitzuetan ez direla iragarkiak, mezu elektronikoen kateak edo beste edozein eduki onartzen, ez bada artikuluei edo albisteei buruz iritzia ematea edo eztabaidatzea. Zerbitzuak erabiltzean, erabiltzaileak adierazten du ados dagoela Legezko Abisu eta Webgunea Erabiltzeko Baldintza honekin eta konpromisoa hartzen duela iraintzeko edo izen ona zikintzeko mezuak edo informazio faltsua, desegokia, gehiegizkoa, kaltegarria, pornografikoa edo mehatxatzailea dutenak ez bidaltzeko, hirugarren pertsonen irudi publikoa edo bizitza pribatua kaltetu dezaketelako edo legeren baten aurkakoak izan daitezkeelako.

5.3.    Zehazki, eta adierazpen gisa eta ez oso modu zehatzean, erabiltzaileak konpromisoa hartzen du datuak publizitatea egiteko ez hartzeko, online publizitaterik ez bidaltzeko eta webguneak ematen dituen zerbitzuen bitartez informazioak, mezuak, grafikoak, soinu-artxiboak edo irudi-artxiboak, argazkiak, grabazioak, softwarea eta, oro har, edozein material, datu edo eduki ez transmititzeko, zabaltzeko edo hirugarrengoen esku jartzeko, halakoak badira:

a.    Legez kanpoko jarduerak, bidegabeak edo fede onaren eta ordena publikoaren aurkakoak badira;
b.    Nolanahi ere, konstituzioan edo nazioarteko tratatuetan eta gainerako ordenamendu juridikoetan aitortutako funtsezko eskubideen eta askatasun publikoen aurka egiten badute, gutxietsi egiten badituzte edo kontraesankorrak badira;
c.    Delitu-jarduketak, iraingarriak, difamaziokoak edo oldarkorrak sustatzen edo bultatzen badituzte;
d.    Sexua, arraza, erlijioa, sinesmenak edo adina direla eta jarduketa, jarrera edo ideia diskriminatzaileak sustatzen edo bultzatzen badituzte;
e.    Delitu-mezuak, oldarkorrak edo degradatzaileak baldin badituzte;
f.     Jarduketa arriskutsuetan, osasunerako kaltegarrietan eta oreka psikologiarentzako kaltegarrietan sartzera bultzatzen badute;
g.    Gezurrezkoak, anbiguoak, zehaztasun gabekoak, gehiegizkoak edo desegokiak baldin badira, eta horren ondorioz komunikatzailearen asmoa edo helburua okertu baldin badezakete;
h.    Hirugarrengoen jabetza adimenduneko edo industrialeko eskubideek babestuta baldin badaude, erabiltzaileak ez badu aldez aurretik lortu titularren baimena egiten ari den edo egin nahi duen erabilera egiteko;
i.    Hirugarrengoen enpresa-sekretuak urratzen badituzte;
j.    Ohorearen, intimitate pertsonalaren eta familiaren edo pertsonen irudiaren aurkakoak badira;
k.   Komunikazioen sekretuari buruzko araudia apurtzen badute;
l.    Haien ezaugarriak direla eta (formatua, luzera, etab.) zerbitzuen funtzionamendu arrunta zailtzen badute.

6.1.    CAFek ez du bere gain hartuko erabiltzaileek edukiez egindako erabileratik sortutako kalte-galeren edo indarrean dauden lege-xedapenen arau-hausteen gaineko erantzukizunik.

6.2.    CAF ez da erantzule egingo berak egin ez dituen informazioen eta hirugarrengoen informazio-iturrietatik ateratako informazioen zehaztapenaz, egiazkotasunaz eta indarraldiaz. 

6.3.    Halaber, zehatz eta modu ez mugatzailean, CAFek ez du bermatzen eta ez du erantzukizuna hartzen baldintza hauen ondorioz sor daitezkeen kalteen gainean:

1.    Webgunearen eskuragarritasuna eta funtzionamenduaren jarraipena eta, zehazki, nahiz eta modu esklusiboan ez izan, erabiltzaileek webgunea, edukiak eta zerbitzuak behar bezala erabili ahal izatea, webgunea osatzen duten orrialdeetara edo zerbitzuak eskaintzen diren orrialde horietara sartu ahal izatea.

2.    Webgunearen kalitatearen eta funtzionamenduaren mailak eta barruan dauden zerbitzuak eta/edo edukiak.

3.    Webgunerako eta bere eduki eta/edo zerbitzuetarako sarbidea etetea, bertan behera uztea edo ezeztatzea.

4.    Webgunea eta bertako zerbitzuak edo edukiak helburu jakin batera egokitzea.

5.    Erabiltzailearen ordenagailuan birusak edo programak izatea, sistema informatikoan alterazioak sortuz.

6.    CAFek webgunean ezartzen dituen baldintzak, arauak eta jarraibideak urratzeagatik edo webgunearen segurtasun-sistema urratzeagatik berari edo hirugarrengo bati kalteak eragiten dizkion edozein pertsona.

Webguneko Pribatutasun Politika eta Cookieen Politika ezarrita daude Pribatutasun Politikaren eta Cookieen Politikaren dokumentuetan, hurrenez hurren, eta dokumentu horiek eskuragarri eta zuzenean kontsultatzeko moduan daude webguneko beheko atalean ageri diren Pribatutasun Politika eta Cookieen Politika ataletan.

Hamalau urtetik beherako adingabeek debekatuta dute webgunera sartzea. Adin horretako adingaberen bat webgunera sartzen bada, gurasoak, tutoreak edo legezko ordezkariak izango dira adingabeak egiten dituen ekintzen arduradunak, indarrean dagoen legediaren arabera. 

Webgunearen Legezko Abisu eta Erabiltzeko Baldintza honetako klausularen bat legez kanpokoa, baliogabea edo eska ezina bada edo suertatzen bada, kendu egingo da eta aplikaezina izango da. Klausula horretara ahalik eta gehien hurbiltzen den beste batekin ordezkatuko da, baina ez die gainerako xedapenei eragingo edo kalterik ekarriko. Xedapen horiek legez kanpoko, baliorik gabeko edo eska ezinezko edozein klausula edo xedapenetik kanpo geratuko dira eta erabateko indarraldia eta efektua izango dute.

CAFek edozein berme mota baztertzen du eta, hortaz, aurretik adierazitako puntuetatik eratorritako erantzukizun guztietatik salbuetsita geratuko da, baita dokumentu honetan ageri ez diren bestelako alderdietatik ere.

CAFek beretzat gordetzen du Legezko Abisua eta Webgunea Erabiltzeko Baldintzak aldatzeko eskubidea, lege edo jurisprudentzia berriak egokitzeko. Hortaz, webgunera sartu eta bertan nabigatu behar den aldiro irakurtzea gomendatzen dugu. 

Erabiltzaileekin ezarritako harremanen oinarrian egongo dira erabiltzailea webgunera sartzeko garaian aurreikusitako arauak.
 

Webgunearekin edo egindako jarduerekin zerikusia duten kontraesan edo jazoera guztiak bideratzeko Espainiako legedia aplikatuko da. Edozein kontraesan erabiltzailearen helbideko Epaitegi eta Auzitegietara bideratuko da. 

Kontsultarik edo zalantzarik baduzu edo laguntza behar baduzu, edozein unetan jar zaitezke harremanetan CAFekin. Gure zerbitzuei buruzko edozein galdera edo beste edozein kontsulta mota baduzu, jar zaitez gurekin harremanetan helbide elektroniko honen bidez: caf@caf.net.