Metroak

Inneo malgutasuna da: bere gamak metro mota guztiak hartzen ditu barne eta hiri bakoitzaren behar espezifikoak asetzeko daude diseinatuta. Modulagarria da eta trenaren barruko eta kanpoko elementu guztiak operadore bakoitzaren beharretara eta azpiegiturara egokitu daitezke.

Inneo gamaren modularitateari esker, zehaztasunez egoki daiteke operadore bakoitzaren beharretara. Konposizioak 2 kotxetik hasi eta 9 kotxe artekoak dira. Hainbat unitate akoplatzeko eta kotxe kopurua handitzeko edo gutxitzeko eta motorizatzeko aukera ematen dute.

Inneok oreka ezin hobea lortzen du garraiatzeko gehieneko edukieraren eta erabiltzailearen erosotasunaren artean, eta unitate bakoitzeko bidaiarien edukiera optimizatu eta energia aurrezten du prozesuan. Gainera, unitateek martxan zehar (bai azeleratzeko, bai balaztatzeko unean) errendimendu energetikoa maximizatzeko sistemak dituzte.

Bidaiari guztien segurtasuna eta osasuna bermatzeko, Inneok beharrezko ekipamendu eta osagarri guztiak ditu eta informazioa, ongizatea eta erosotasuna eskaintzen ditu.

CAFen Inneo metroek erabateko irisgarritasuna bermatzen diete mugikortasun murriztua duten pertsonei: gurpildun aulkientzako espazioak eta arrapala automatiko zabalgarriak dituzte sarbidea errazteko. Halaber, braillez idatzitako markagailuak dituzte tren osoan zehar.

Inneo unitateak erosotasun handiagoa eta bidaiarien banaketa hobea eskaintzeko daude pentsatuta, espazio handiak eta pasillo diafanoak baitituzte. Bizikletetarako, maletetarako edo haurren kotxeak uzteko eremuak izan ditzakete. Diseinuak zarata eta bibrazioak minimizatzen ditu.

CAFen metroen ingeniaritzako, fabrikazioko, entseguetako eta prestatzeko ‘in house’ teknologia guztiak ditugu eta horrek aukera ematen digu integrazio hobea izateko eta ibilgailuen portaera hobeto ulertzeko, baita mantentze-lanen maila altua izateko ere.

CAFen, hainbat metro-erreferentzia ditugu diseinatuta hainbat automatizazio mailarekin funtzionatzeko. Sistema horiek segurtasuna eta malgutasun operatiboa ematen dute, kostuak murrizten dituzte eta puntualtasuna eta erosotasuna eskaintzen dituzte aldi berean.

Automatizazio maila gorena dutenez, trenek ez dute gidatze-kabinarik behar eta modu erabat autonomoan funtzionatzen dute. Horrek segurtasun eta fidagarritasun ezin hobeak bermatzen ditu.

Erabat automatikoak diren eta gidaririk behar ez duten gure metro-erreferentzien artean daude Txileko Santiago, Istanbul, Amsterdam, Brusela, Sao Paulo eta Londres hiriak.