Trenak

Aldiriko trenak

Malgutasuna distantzia laburretan

Trenak

Pertsonen garraioa optimizatzen

CAFen aldiriko trenak garraiobide azkarra, segurua eta ingurumena errespetatzen duena eskaintzeko daude diseinatuta eta pertsona kopuru handia garraiatzeko gai dira.

Zoru baxuko Civity trenen familiak malgutasun handia eskaintzen du diseinuan eta bezero bakoitzaren beharretara egokitutako konfigurazioak ahalbidetzen ditu. Barneko soluzio oso pertsonalizagarriak eskaintzen ditugu eta eserlekuak, elikagaiak banatzeko makina automatikoak dituzten eremuak, komunak edo maleta eta bizikletentzako espazioak (kopuru ezberdinetan) konfiguratu daitezke. Aukera horiek zerbitzu ezin hobea bermatzen dute eta segurtasuneko eta erosotasuneko azken berrikuntzak uztartzen dituzte.

Soluzio malguak munduko distantziak gerturatzeko eta ingurumena errespetatuz.

Soluzio malguak distantziei dagokienez hurbilago dagoen mundurako eta ingurumena errespetatuz

Civity

Civity trenak eskualdeko eta aldiriko zerbitzuak eskaintzeko daude diseinatuta eta bezero bakoitzaren behar indibidualetara egokitzeko aukera ematen dute. Konfigurazioak alda daitezke tarteko kotxeak gehituta edo kenduta.

Civity trenen interoperabilitateari esker, bezeroentzat errazagoa da nazioarteko operazioak kudeatzea. Abangoardiako flota eta fidagarritasun handia eskaintzen dituen punta-puntako teknologia bateratzen dira, uneko EN araurik zorrotzenak betez.

Zoru baxuko trena

Zoru baxuari esker, erraz sar daiteke edozein nasatik. Ekipamendu nagusiak estalkian daudenez, zoru baxua dago ia tren osoan zehar. Zoruaren garaiera 600 mm edo 800 mm-koa izan daiteke, baina bezeroen eskakizunen arabera pertsonaliza daiteke.

Behar bakoitzarentzako Civity bat

Motak

Civity XL

Modulu handiak ditu bidaiarientzako edukiera handiagoa izateko. Civity XLk erabiltzaileen energia-kontsumoa optimizatzen du eta efizientzia maila altuak lortzen ditu.

Civity BEMU

Bateria bidezko trena da eta elektrizitaterik gabeko trenbideetatik zirkulatzeko dago diseinatuta. Gai da bateriak kargatzeko katenaria azpitik doanean.

Civity DUO

Bi solairuko trena da eta bi mailatan ditu eserlekuak. 2+2 edo 2+3 plazako konfigurazioari esker, bidaiariak garraiatzeko edukiera handitzen du, eta bidaiari bakoitzeko kostu operatiboa txikiagoa da. Erosotasun maila gorena eskaintzen du, eserleku zabalei eta kanpora begirako bista handiagoei esker.

Civity NORDIC

-40ºCtik +40ºCra bitarteko muturreko egoera meteorologikoak jasateko dago diseinatuta.

Civity UK

Erresuma Batuko eskakizun espezifikoetara eta bertako araudira egokituta dago, hala nola galiboa, zoruaren garaiera, erabilera-karga aldakor baxua (VUC), ARIN bogieak eta seinaleztapen- eta segurtasun-sistemak. Hala, erabiltzaileentzako ahalik eta erosotasunik handiena bermatzen da.

Malgutasuna eta erosotasuna barruan

Civity soluzio ezin hobea da bidaiarientzako edukiera handiko trenen flotak nahi dituzten bezeroentzat.

Diseinu modularraTrenak konfiguratzeko aukera ematen du, tarteko kotxeak gehituta.

Konfigurazio malguaTrenaren elementu gehienak zerbitzu motaren arabera konfiguratu daitezke, ateen kopurua edo eserlekuen lay-outa barne, besteak beste.

Klase motakEstandar eta confort klaseko kotxeak izan ditzake edo bi mota horiek kotxe beran, ate gidaridunen bidez bereizita.

Erabilera anitzeko eremuaErdiko modulua hainbat erabileratarako erabil daiteke: kafetegia / elikagaiak banatzeko makina automatikoak, haurrentzako jolas eremuak, kirol-ekipamenduentzat (bizikleta edo eskietarako bastidoreak). komun estandarrak edo egokituak, gurpildun aulkietarako eremuak, eserita edo zutik joateko plazak, informazio-guneak, eta abar.

Bateria eta hidrogeno bidezko soluzioak

CAFen tren dieselarentzako alternatiba jasangarriak garatzen ditugu, elektrifikatu gabe dauden ibilbideetan isurpenik ez izateko. Bateria bidezko trenak hidrogeno bidezkoei gehitzen zaizkie, emisiorik gabeko alternatiba gisa. BEMU (Battery Electric Multiple Unit) Bateriak dituzten Civity unitateek elektrifikatu gabeko lineetan zerbitzuak ematea ahalbidetzen dute, erregai fosilak erabiltzea saihestuz.

Tren hibridoen (pantografoa eta bateria) eta bimodalen (katenaria eta hidrogenoa) beste aukera batzuk ere baditugu, isurpenik ez izateaz gain, elektrifikatzeko-kostu handiak murrizten dituztenak. Gainera, erosotasun handiagoa eskaintzen dute, isilagoak baitira.

Jasangarritasuna

Civity garraio publiko jasangarria eta ingurumena errespetatzen duena sortzeko erronkari aurre egiteko gure erantzuna da.

Civity funtzioaren eta baldintza teknikoen arabera espezifikoki aukeratutako materialekin fabrikatzen da eta, gainera, erraza da ibilgailua desmuntatzea eta birziklatzea bere bizitza erabilgarriaren amaieran. CAFek egindako EPD® (Produktuaren Ingurumen Adierazpena) egiaztatuak erakusten dute birziklagarritasun-tasa % 94 ingurukoa dela.

Civityren soluzio modular estandarizatuek osagarrien fidagarritasuna eta iraunkortasuna bermatzen dute eta kostuak eta materialak murrizten dituzte mantentze-lanetan. Gainera, Civityk bibrazioak eta zarata-isurpenak murrizten ditu, ekosisteman inpaktu kaltegarria izatea saihestuz. CO2 isurpenek ingurumeneko azken arauak betetzen dituzte.

Osasuna eta segurtasuna

Bidaiarien osasuna eta segurtasuna funtsezkoak dira Civityren diseinuan. CAFen homologazio-prozesu zorrotza dugu eta derrigorrezko estandarrak betetzeaz gain, azkar martxan jartzeko aukera ematen du.

Civityren ekipamenduen eta sistemen gamaren barruan, honako hauek daude: Airea purifikatzeko sistemak, edukieraren kontrola, autodiagnostikoa akatsen erregistroarekin, bidaiariarentzako informazioa, CCTV, jazoerak erregistratzeko sistema, muturreko baldintza klimatikoetarako sistemak, talka-energia xurgatzeko sistema kabinaren buruhormetan, gidariaren nekea hautemateko sistema, gehiegizko abiaduratik babesteko sistema, eta abar.

Euskotrenerako aldiriko trenak

Deskargatu katalogoa ↓

Albisteak

2024 aza 27

Arrakastarekin amaituko da Espainiako eta Portugaleko trenbide sarean frogetan zirkulatu duen hidrogeno bidezko lehen trena, FCH2Rail proiektua

Gehiago irakurri

2024 mar 15

CAF-ek kontratu berri bat lortu du Herbehereetan

Gehiago irakurri

2023 abe 1

CAF-ek aldiriko trenak hornituko ditu Filipinetarako

Gehiago irakurri