Abiadura handiko trenak

Oaris 4 eta 8 kotxe bitarteko soluzio modular konfiguragarria da eta bidaiarien kopuru handia garraiatzeko gai den flota eskaintzen du. Barrualdea bezero bakoitzaren beharren arabera dago pertsonalizatuta eta zerbitzu optimoa eskaintzen du. Segurtasunaren eta erosotasunaren arloko azken berrikuntzak ditu eta, hala, bidaia-esperientzia bikaina bermatzen du.

Oaris plataformak teknologia espezifikoa du zabalera desberdinetako trenbideen artean erabateko interoperabilitatea izateko, eta seinaleztapen-sistemak eta elikadura elektrikoa ere baditu.

Moldagarritasunak aukera ematen du bezero bakoitzaren beharretara egokitutako soluzio espezifikoak eskaintzeko. Konfigurazioak desberdinak izan daitezke kotxe kopuruaren arabera eta tarteko kotxeetan 2 edo 4 ate izateko aukera dago.

Gainera, aukera-sorta zabala eskaintzen du barruko diseinuari dagokionez: luzera aldakorreko kafetegi-eremuak, distantzia desberdinak eserlekuen artean, tren bakoitzaren plaza kopuruarekin lotutako maletentzako hainbat modulu, komunen kopuru aldakorra eta mugikortasun murriztua duten pertsonentzako eremuak, besteak beste.

Oarisen errendimendu handiak segurtasun maila eta fidagarritasun handia bermatzen du bizi-ziklo osoan zehar. Eskuragarritasun handia izatea funtsezkoa da bezeroei flota segurua eskaintzeko, etengabeko eta etenik gabeko zerbitzuarekin.

Osagarrien diseinuak eta estandarizatutako zehaztapenek epe luzeko mantentze-lanak sinplifikatzen dituzte. Trenaren egiturak karga txikiagoak ditu ardatz bakoitzean eta horrek trenbidearen higadura murrizten du. Faktore guzti horiei esker, ustiapenaren eta mantentze-lanen kostuak murrizten dira.

Oarisek eraginkortasun energetikoaren, aerodinamikaren eta zarata-murrizketaren teknologiarik aurreratuena du, jasangarritasuneko beharrei erantzuteko. Hala, kontsumo energetiko txikiagoa du eta CO2 isurpen gutxiago izaten ditu.

Trakzio-unitateen efizientzia handia, trenaren pisu txikia, materialen birziklagarritasuna eta soinu-xurgatzaileak dira diseinuaren elementu nabarmenak. Balaztatze birsortzaileak funtzionamendua optimizatzen du, eta denbora errealeko gidariarentzako laguntzari (Driver Advisory System) eta talde laguntzaile adimendunei (Intelligent Stabling) esker, are gehiago gutxitzen da kontsumoa.